كتبت رهام الخزاعلة
أكتب اليوم عن شخص ليس بغريب على كل من عرفه، إنسان جمعتني به مواقف كثيرة على مدار سنوات طويلة، في العمل ومواقف شخصية ولم يكن في يومٍ من الأيام إلا كما عهدناه دومًا
العقيد عامر بيك السرطاوي مش بس ناطق إعلامي باسم الأمن العام… عامر بيك حالة إنسانية لازم تدرّس وتنعاد وتستنسخ
سنين وإحنا كصحفيين بنتعامل معه، وكل سنة بنكتشف إنو الثقة اللي أعطاها جهاز الأمن العام لهذا الرجل في محلها مليون بالمية هو مش بس مسؤول هو أخ وسند ومرجعية
عامر بيك مش ناطق إعلامي هو مدرسة اخلاق وهيبة، وواجهة إنسانية راقية لجهاز أمني بنفتخر فيه.
هذا الانسان ما بعرف كلمة “ ما بهمني او تتطنيش ”، كل شكوى بتوصل له، بتصير همه وكل صحفي بيتعامل معه، بيشعر إنه مش بس إعلامي لجهة امنية رسمية هو أخ حقيقي بيوقف معك وبيفهمك وبيحترمك مهما كنت مواطن بسيط أو إعلامي كبير.
بتشوفه وبتحكي معاه بتحبّ الأمن العام لأنه خلّاك تشوف وجهه الأجمل: وجه التواصل، الرد السريع، المتابعة الحقيقية وحب الخير والناس.
والله أحيانًا بنفكر إنو ما بنام، من كثر ما هو حاضر ومتابع وبرد وبيجاوب باي وقت…
بتبعثله الفجر بيرد
بتحكيله عن ظلم، بيرفعوا عن الناس
بتطلب توضيح ..بوضّح
بتحتاج دعم ..بيساعد
اللي متعودين على البيروقراطية بوقفوا مذهولين قدّام سرعة تجاوبه واللي متعودين عالتطنيش، بتفاجأوا إنو في ناس لسه بتشتغل بضمير.
مش مجاملة بكتب ولا تطبيل لكن لو كل مسؤول بيشتغل بنص إخلاصه واخلاقه كانت كل مؤسساتنا كلها غير .
عامر بيك إنسان بكل معنى الكلمة، مش بس إعلامي ناجح
هو نقطة التقاء بين الصحافة والأمن، بين المسؤولية والإنسانية.
والحمدلله في ناس وجودهم بحسسنا انو الدنيا بخير …
وعامر بيك واحد منهم
Amer Said
